Binuksan ngayong araw sa Beijing ang kauna-unahang taunang pulong ng Non-governmental Forum ng Conference on Interaction and Confidence-Building Measures in Asia (CICA). Ipinadala ni Pangulong Xi Jinping ng Tsina ang mensaheng pambati sa pulong. Dumalo sa seremonya ng pagbubukas si Yu Zhengsheng, Tagapangulo ng Pulitikal na Konsultatibong Kapulungan ng mga Mamamayang Tsino (CPPCC), at iniharap niya ang apat (4) na mungkahi para sa pagsasakatuparan ng ideyang panseguridad ng Asya.
Nagtalumpati si si Yu Zhengsheng, Tagapangulo ng Pulitikal na Konsultatibong Kapulungan ng mga Mamamayang Tsino (CPPCC), sa kauna-unahang taunang pulong ng Non-governmental Forum ng Conference on Interaction and Confidence-Building Measures in Asia (CICA).
Sa kanyang talumpating pinamagatang "Pagpapasulong ng Seguridad ng Asya, Pagsasakatuparan ng Komong Pag-unlad," tinukoy ni Yu na ang kasalukuyang taon ay ika-70 anibersaryo ng tagumpay ng anti-fascist war ng daigdig. Aniya, nitong 70 taong nakalipas, nananatiling matatag sa kabuuan ang situwasyong panseguridad ng Asya, at natamo ng mga usapin ang mga historikal na progreso. Ngunit, kailangan pa ring palakasin ang pundasyon ng matatag na pag-unlad ng Asya, dagdag pa niya.
Tungkol dito, iniharap ni Yu ang 4 na mungkahi: una, dapat palalimin ng mga bansang Asyano ang pagtitiwalaang pulitikal, at itatag ang bagong partnership ng Asya; ikalawa, dapat pasulungin ang diyalogong panseguridad, at itatag ang platapoma ng seguridad at kooperasyon sa Asya; ikatlo, dapat palakasin ang kooperasyong pangkabuhayan; ikaapat, dapat pasulungin ang diyalogo ng sibilisasyon.
Salin: Li Feng