Isinapubliko kahapon ni Yang Yujun, Tagapagsalita ng Ministring Pandepensa ng Tsina ang pagdalo ng delegasyong militar ng bansa sa Shangri-la Dialogue, na idaraos sa Singapore mula ika-29 hanggang ika-31 ng buwang ito. Ang delegasyong ito aniya'y pamumunuan ni Sun Jianguo, Deputy Chief of General Staff of the People's Liberation Army(PLA) ng Tsina.
Sinabi ni Yang Yujun na ipapaliwanag ng kinatawang Tsino ang patakarang panlabas at pandepensa ng bansa, ilalahad nito ang pakikipagtutulungang panseguridad ng hukbong Tsino sa ibang bansa, at isasapubliko rin ang paninindigan ng Tsina sa pagpapahigpit ng diyalogo at kooperasyon ng mga may-kinalamang panig para magkasamang pangalagaan ang seguridad ng rehiyong Asya-Pasipiko.