Ipinalabas kamakailan ni Ma Zhaoxu, Embahador ng Tsina sa Australia, ang isang artikulong pinamagatang "Pangangalaga sa Kapayapaan at Katatagan ng South China Sea" sa pahayagang "The West Australian." Tinukoy niya na may di-mapapabulaanang soberanya ang Tsina sa Nansha Islands at karagatang nakapaligid dito, at mayroong lubos na batayang historikal at pambatas.
Ipinahayag ni Ma na ang Tsina ay bansang pinakamaagang nakatuklas, nagbigay-pangalan, at naggalugad ng Nansha Islands, at ito rin ang bansang pinakamaaga at sustenableng nagsasagawa ng pangangasiwa sa mga islang ito.
Bago ang ika-7 dekada ng nagdaang siglo, walang anumang bansang nagduda sa soberanya ng Tsina sa Nansha Islands, kaya tahimik ang situwasyon ng SCS. Ngunit, pagkatapos nito, sinimulang ilegal na sakupin ng ilang bansa ang baybaying-dagat ng mga isla sa Nansha. Aniya, ang nukleo ng isyu ng SCS, ay hidwaan sa teritoryo sa Nansha na dulot ng ilegal ng pagsakop ng ilang bansa sa mga isla sa Nansha Islands ng Tsina.
Sa kanyang artikulo, tinukoy ni Ma na ang pagsasagawa ng Pamahalaang Tsino ng may kinalamang konstruksyon sa ilang isla ng Nansha ay nasa loob ng soberanya ng panig Tsino. Ito aniya ay angkop sa batas at katarungan, at hindi nakaapekto at nakatuon sa anumang bansa.
Salin: Li Feng