IBINALITA ng Department of Trade and Industry na ang electronic equipment at mga bahagi nito ang nangungunang pinagkakakitaan ng Central Luzon noong 2014. Ang Memory Integrated Circuits (MICs), Large Scale Integrated (LSI) chips at electrical appliances and machineries ang nangunang export ng rehiyon.
Ayon s One Stop Export Documentation Center, ang electronics sector ng Central Luzon ang nagtamo ng US$ 4.2 bilyon na kinakitaan ng 74% ng total export value para sa rehiyon. Sinundan ito ng Machinery and Transport Equipment at sa apparatus sector sa halagang US$ 688.43 milyon at maliwanag na kumatawan sa 12.08%. Ang mga ipinagbiling tela ay umabot naman sa US$ 220.89 milyon o 3.87% at ang Metal Manufacture ay kumita ng US$ 130.72 o 2.29%.
Ayon sa Department of Trade and Industry, Tsina ang nangungunang namili ng mga produkto ng Central Luzon sapagkat binili nito ang 34.07% ng mga paninda. Pumangalawa lamang ang Estados Unidos sa nabiling 22.17% ng buong export value. Pangatlo ang Hong Kong na nagkaroon ng 11.55%.