|
||||||||
|
||
SINABI ni Secretary Proceso J. Alcala ng Department of Agriculture na makikinabang ang mga magsasakang Filiipino mula sa pagtatangka ng pamahalaang madagdagan ang ani ng palay mula sa lumabas na pagsubok kasabay ng patuloy na suporta sa pananaliksik.
Sa isang briefing na dinaluhan ng mga nagpapatupad ng Food Staples Sufficiency Program, pinuri ni Secretary Alcala ang natamong progreso sa industriya ng bigas at nangakong pakikinabangan ang teknolohiya at pagpapalaganap nito ng mga magsasaka.
Ang pananaliksik ng FSSP ay ipinatutupad ng Department of Agriculture at International Rice Research Institute.
Umaasa si G. Alcala na ang pagtutulungan ay magdudulot ng biyaya sa mga magsasaka at kailangan lamang ng matagalang suporta. Ipinangako rin niyang ipararating ang palatuntunang ito sa kaalaman ng economic managers ng bansa matiyak lamang ang paglalaan ng suporta.
Tiniyak naman ni IRRI Deputy Director General Bruce Tolentino na magpapatuloy din ang kanilang tanggapan sa pagtulong na magkatotoo ang mga layunin ng Department of Agriculture na tumulong sa mga magsasaka at makasabay ng ibang mga magsasaka mula sa ibang bansa.
Inatasan ni G. Alcala ang kanyang technical advisory group na gamitin ang mga natutuhan sa Philippine Rice Information System project upang magkaroon ng information systems para sa iba pang mga pananim. Ipinangako rin niya ang pinag-ibayong inter-agency collaboration upang matulungan ang kapasidad ng agriculture extensionists at pinayuhang dalawin ang Heirloom Rice Project sites sa Cordillera region.
© China Radio International.CRI. All Rights Reserved. 16A Shijingshan Road, Beijing, China. 100040 |