Nakipag-usap kahapon sa Paris si Premyer Li Keqiang ng Tsina kay Pangulong François Hollande ng Pransya. Ipinaabot muna ng Premyer Tsino sa Pangulong Pranses ang pagbati mula kay Pangulong Xi Jinping ng Tsina. Ipinahayag ni Li na nakahanda ang Tsina na magsikap, kasama ng Pransya para sa pagpapahigpit ng pagpapalitan ng dalawang bansa sa mataas na antas, pagpapataas ng estratehikong pagtitiwalaan at pragmatikong pagtutulungan, pagpapalakas ng pagtutulungan at koordinasyon sa mga isyung may kinalaman sa kapayapaan, seguridad at kaunlaran ng daigdig. Binigyang diin ni Li ang mataas na pagpahalaga sa pagsisikap ng Pransya para idaos ang UN Climate Change Confenrence sa Paris, at nakahanda ang Tsina na pahigpitin ang kooperasyon at koordinasyon sa Pransya para sa pagtatamo ng resulta sa pulong.
Ipinahayag naman ni Pangulong François Hollande ang pagtatanggap sa mga bisitang Tsino. Sinabi niyang pumasok sa bagong yugto ang komprehensibong partnership ng Tsina at Pransya, at makikinabang ang mga mamamayang Tsino at Pranses mula rito. Aniya, pisitibo ang Pransya sa isinasagawang hakbang ng Tsina para sa pagbago ng klima. Ito ay magsisilbing hindi lamang pagkatig sa tagumpay ng nasabing pulong, kundi mahalagang pagkakataon din para sa komunidad ng daigdig sa pagharap ng pagbago ng klima at sa pagpapasulong ng sustenableng pag-unlad ng kabuhayang pandaigdig, dagdag pa niya.