|
||||||||
|
||
Sa pinalaking pulong ng National Security Council ng Rusya kahapon, sinabi ni Pangulong Vladimir Putin ng Rusya na dapat analisahin ng mga may kinalamang departamento ang mga kinakaharap na hamon at banta sa pulitika, kabuhayan at impormasyon para isaayos ang estratehiyang panseguridad ng bansa.
Pinalawig kamakailan ng Unyon Europeo (EU) ang sangsyon sa kabuhayang Ruso at tinatalakay din ng Amerika ang hinggil sa pagpapahigpit ng sangsyon sa Rusya. Kaugnay nito, sinabi ni Putin na walang pag-asang babaguhin ng mga kanluraning bansa ang di-mapagkaibigang atityud sa Rusya sa lalong madaling panahon.
Sinabi pa niyang patuloy na isasagawa ng kanyang bansa ang pagpapalitan at pagtutulungan sa ibang mga bansa sa pundasyon ng paggagalangan sa isa't isa at di-pagkasira sa kani-kanilang kapakanan, soberanya at katiwasayan.
Ipinahayag ni Putin na buong sikap na pasusulungin ang integrasyong pangkabuhayan ng Commonwealth of Independent States (CIS) at mga kooperasyon ng mga bansang BRICS (Brazil, Russia, India, China at South Africa) at mga kasaping bansa ng Shanghai Cooperation Organization.
© China Radio International.CRI. All Rights Reserved. 16A Shijingshan Road, Beijing, China. 100040 |