Sa Tokyo, Hapon—Idinaos dito kamakalawa ang summit ng Hapon at mga bansa sa rehiyon ng Ilog Mekong. Sa naturang summit, ipinangako ng Hapon na sa darating na 3 taon, magkakaloob ito ng 750 bilyong Japanese Yen (o halos 6.1 bilyong dolyares) na Official Development Assistance sa mga nasabing bansa.
Si Punong Ministro Shinzo Abe ng Hapon ang nangulo sa naturang isang araw na summit. Dumalo rito sina Punong Ministro Prayuth Chan-o-cha ng Thailand, Pangulong Thein Sein ng Myanmar, Punong Ministro Hun Sen ng Kambodya, Punong Ministro Thongsing Thammavong ng Laos, at Punong Ministro Nguyen Tan Dung ng Biyetnam. Pinagtibay sa pulong ang "Bagong Estratehiya ng Tokyo sa Taong 2015." Ang nukleong nilalaman nito ay pagpapalakas ng konstruksyon ng imprastruktura sa rehiyon ng Ilog Mekong. Ipinahayag ng iba't ibang kalahok na panig na isasagawa ang kooperasyon para maisakatuparan ang "de-kalidad na paglago" ng rehiyong ito.
Salin: Vera