Sa Museum of the War of Peoples Resistance Against Japanese Aggression — Isang eksibisyon ang idinaos ngayong araw bilang paggunita sa ika-78 anibersaryo ng pagsiklab ng Anti-Japanese War ng sambayanang Tsino. Dumalo rito ang mga lider ng partido at bansa na kinabibilangan nina Xi Jinping, Li Keqiang, at iba pa.
78 taon na ang nakararaan, isinagawa ng militarismong Hapones ang "Lugou Bridge Incident" na ikinasindak sa loob at labas ng Tsina, at inilunsad ng Hapon ang komprehensibong pagsalakay sa Tsina. Sa gayo'y nagsimula ang Anti-Japanese War ng sambayanang Tsino.
Ayon sa ulat, sa loob ng darating na araw, idaraos ng panig opisyal at di-pampamahalaan ang isang serye ng aktibidad bilang maringal na paggunita sa ika-70 anibersaryo ng tagumpay ng nasabing digmaan.
Sa kanyang talumpati sa seremonya ng pagbubukas ng eksibisyon, ipinahayag ni Liu Yunshan, Pirmihang Kagawad ng Pulitburo ng Komite Sentral ng Partido Komunista ng Tsina (CPC), at Kalihim ng Sekretaryat ng Komite Sentral ng CPC, na ang layon ng pagdaraos ng eksbisyong ito ay tandaan ang kasaysayan, alalahanin ang mga martir, pangalagaan ang kapayapaan, at likhain ang mas magandang kinabukasan.
Salin: Li Feng
