Sa kanyang pakikipagtagpo kamakailan kay Sanjayan Velautham, Direktor na Tagapagpaganap ng ASEAN Centre for Energy (ACE), ipinahayag ni Xu Bu, Sugong Tsino sa Association of Southeast Asian Nations (ASEAN) ang kahandaan na ibayo pang mag-aambag ang misyong Tsino sa ASEAN para mapasulong ang pagpapalitan at pagtutulungan ng dalawang panig sa larangan ng enerhiya, lalong lalo na sa pagbalangkas ng patakaran at pagtatayo ng istasyon ng malinis na enerhiya.
Sinabi naman ni Velautham na nitong ilang taong nakalipas, nilagdaan ng Tsina at ACE ang mga dokumentong pangkooperasyon sa pagsasanay, malinis na enerhiya, at renewable energy. Umaasa aniya siyang ibayo pang mapapasulong ng dalawang panig ang kanilang pagtutulungang pang-enerhiya sa hinaharap.
Salin: Jade