Ayon sa pinakahuling datos ng Ministri ng Turismo ng Indonesia, mula Enero hanggang Mayo ng taong ito, tumaas ng 18.58% ang bilang ng mga turistang Tsino sa bansa kumpara sa gayunding panahon ng taong 2014. Ang bahagdan ng paglaking ito ay nanguna kumpara sa pagtaas ng bilang ng mga turista mula sa ibang bansa at rehiyon. Ang bilang ng mga turista mula sa Ehipto na may 16.21% paglaki at India, may 13.56% paglaki ay nasa pangalawa at pangatlong puwesto ayon sa pagkakasunod.
Ipinahayag ng Ministri ng Turismo ng Indonesia na dahil sa visa free policy, patuloy na tataas ang bilang ng mga turistang dayuhan sa bansa. Optimistiko ito na maisasakatuparan ang target na mahigit 10 milyong turistang dayuhan ang bibisita sa bansa sa taong ito.
Salin: Jade