Hinggil sa CRIHinggil sa Serbisyo Filipino
   

"Egay", umalis na ng Pilipinas, "Falcon" darating sa PAR

(GMT+08:00) 2015-07-07 18:54:47       CRI

BAGAMA'T naibaba na ang lahat ng storm signals dala ng Tropical Storm na si "Egay" sa kanyang pag-alis ng Pilipinas kaninang umaga, nagbabala naman ang PAGASA, ang Philippine Atmospheric, Geophysical and Astronomical Services Admiistration ng flashfloods at landslides sa Zambales, Bataan, Pangasinan, Benguet at Ilocos Region dala ng hanging habagat o southwest monsoon.

Kaninang ikawalo ng umaga, nakita si "Egay" na 320 kilometro sa kanluran-timog-kanluran ng Basco, batanes. Ang hilagang Luzon ang pinaka-apektado ng sama ng panahon.

Nakataas ang "yellow rainfall warning" sa Zambales at Tarlac. Baka bumaha sa mabababang bahagi ng mga lalawigang ito dala ng ulang mula 7.5 hanggang 145 millimetro bawat oras sa susunod na tatlong oras.

Pinayuhan din ang mga mangingisda at may may bangkang maliliit na umiwas sa karagatan ng hilagang Luzon at sa kanlurang bahagi ng Central Luzon.

Inaasahang papasok sa Philippine Area of Responsibility ngayong gabi o bukas si Chan-Hom. Sa oras na makapasok siya sa sakop ng Pilipinas, papangalanan siyang "Falcon". May 1,700 kilometro sa silangan ng Luzon at kumikilos ng 20 kilometro bawat oras.

May lakas itong 120 kilometro bawat oras at pagbugso ng 150 kilometro bawat oras. May posibilidad pa itong maging isang super-typhoon.

Ayon sa mga tauhan ng PAGASA, kahit hindi tumama sa lupa si "Falcon", mapalalakas nito ang hanging habagat at mangangahulugan ng mas matinding ulan sa kanlurang bahagi ng bansa, kabilang na ang Metro Manila.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>