|
||||||||
|
||
PINUNA ng Bukluran ng Manggagawang Pilipino ang Jollibee Food Corporation sa pahayag nito hinggil sa marapat na pagtrato ng mga manggagawa, partikular ang food delivery personnel matapos lumabas ang isang video sa mapagsamantalang customer na nanggoyo ng kanilang kawani makalibre lamang sa kanyang pagkain.
Hindi umano maunawaan ng mga manggagawa ang pahayag na inilabas ng isa sa pinakamalaking fastfood companies sa Pilipinas samantalang mismong ang kumpanya ay patuloy na nagpapatupad ng mga kalakarang kontra manggagawa. Ayon kay Leody de Guzman, national chairperson ng samahan, patid ng madla na karamihan sa kanilang 13,000 mga kawaniay pawang saklaw ng mga kontrata samantalang ang ilang regular na kawani ay pinagbabawalan pang lumahok sa mga samahan at union.
Nagsimula ang kontrobersya ng isang nagpakilalang Jay Bee ang nagkalat ng kanyang pahayag sa social media na intension at sinadya niyang tinagalan ang pagsagot sa tawag ng building security upang mahuli ng isang minute ang delivery ng pagkain upang makinabang ng P 200 pabuya sa pamamagitan ng gift certificates. Naglabas ng pahayag ang Jollibee public relations director Arline Adeva ng pahayag na nananawagan sa madlang tratuhin ng maayos ang kanilang mga kawani.
Ani de Guzman, karapatan ng Jollibee na manawagan sa madla subalit mas kakabubuting tingnan muna nila ang kalagayan ng kanilang mga kawani at mabigyan ng angkop na karapatan ayon sa Saligang Batas ng bansa. Kabilang si kanyang tinuligsa ang pagtangging gawing regular na mga kawani ang mga manggagawa matapos ang limang buwang paglilingkod.
Kasama sa talaan ng Forbes Magazine si Tony Tan Catkiong bilang ikaanim na pinakamayamang Filipino na mayroong US$ 2.3 bilyon sa kanyang pangalan. Madali umanong isiping mula sa pawis ng kanyang mga nabibiktimang contractual employees ang malaking bahagi ng kanyang yaman, dagdag pa ng Bukluran ng Manggagawang Pilipino..
© China Radio International.CRI. All Rights Reserved. 16A Shijingshan Road, Beijing, China. 100040 |