Sa regular na preskong idinaos kahapon sa Beijing, inilahad ni Tagapagsalitang Hua Chunying ng Ministring Panlabas ng Tsina ang mga katugong pangyayari at resultang natamo sa 14th Joint Working Group Meeting para tupdin ang Declaration on the Conduct of Parties in the South China Sea(DOC) na idinaos sa Malaysia, mula unang araw hanggang ika-3 ng Hulyo.
Sinabi ni Hua na ang pagdaraos ng nasabing pulong ay para komprehensibo at mabisang tupdin ang DOC, at tamuin ang positibong progreso sa pagpapasulong ng pragmatikong pagtutulungan sa karagatan at negosasyon hinggil sa Code of Conduct in the South China Sea(COC). Aniya, binalangkas na sa pulong ang pangalawang komong palagay hinggil sa negosasyon ng COC, concept documents hinggil sa Terms of Reference of the Eminent Persons and Experts Group (EPEG) at pagtatatag ng senior officials' hotline platform para sa mga pangkagipitang pangyayaring posibleng maganap sa karagatan, sa pagitan ng Ministring Panlabas ng Tsina at mga bansa ng ASEAN. Isusumite ang mga ito sa pulong sa mataas na antas ng dalawang panig, sa katapusan ng buwang ito, dagdag pa niya.
Tinukoy din ni Hua na tinalakay ng mga may-kinalamang panig sa di-pormal na pulong na pinamagatang "Ligtas na Paglalayag, Paghahanap at Pagliligtas" ang hinggil sa pagpapatupad sa pagtatatag ng hotline platform ng Tsina at ASEAN sa paghahanap at pagliligtas sa karagatan. Napagpasiyahan aniya nila ang pagsasagawa ng point-to-point hotline communication sa pagitan ng mga katugong departamento ng dalawang panig, at pagpasimula ng unang yugto ng usaping ito.
