Ayon sa ulat na ipinalabas kahapon ng United Nations Programme on HIV/AIDS (UNAIDS) na may punong himpilan sa Geneva, isinakatuparan na ng buong mundo ang target ng UN Millennium Development Goals (UNMDG) hinggil sa pagpigil at pagbabago sa tunguhin ng pagkalat ng AIDS, at may pag-asang isasakatuparan ang target ng pagbibigay-wakas sa pagkalat ng naturang sakit sa taong 2030.
Nilagom ng naturang ulat na pinangalanang "Kung Paanong Baguhin ng AIDS ang Lahat" ang progreso ng pagpigil at pagkontrol sa sakit na ito nitong nakalipas na 15 taon. Tinukoy nitong sapul nang iharap ng UNMDG ang target na may kinalaman sa pagpigil at pagkontrol sa AIDS noong 2000, naiwasan sa buong mundo ang 30 milyong karagdagang may-AIDS, at nabawasan din ng 8 milyon ang bilang ng mga namatay sa mga sakit na may kinalaman sa AIDS.
Salin: Vera