Noong ika-24 ng buwang ito, magkasanib na ipinalabas ng Ministring Panlabas ng Tsina at United Nations (UN) System sa Tsina ang "Ulat hinggil sa Pagpapatupad ng Tsina sa Millennium Development Goals (MDGs) mula noong Taong 2000 hanggang Taong 2015." Tinukoy ni Wang Yi, Ministrong Panlabas ng Tsina, na ang nasabing ulat ay bunga ng kooperasyon ng kanyang ministri at UN System sa Tsina. Ipinakita nito aniya ang walang humpay na pagsisikap ng Tsina sa pagpapatupad ng MDGs, at paglagom sa karanasan at pananaw ng Tsina. Ipinahayag din nito ang magandang ekspektasyon ng Tsina sa kaunlaran sa hinaharap.
Nagpalabas naman ng video message si Helen Elizabeth Clark, Puno ng United Nations Development Programme (UNDP), at pinurihan niya ang "maagang pagpapatupad ng Tsina ng maraming MDG, at paggawa ng napakalaking ambag para sa pagsasakatuparan ng MDG ng buong mundo." Ipinalalagay niyang ang naturang ulat ay nagpakita ng matibay na gawain ng pamahalaang Tsino, at kahandaan ng Tsina na bahaginan ng karanasan ang mga umuunlad na bansa.
Salin: Vera