Idinaos kahapon sa Rizal Park, sa puso ng Manila ng pamahalaang panlunsod ng Manila ang Buddhist ceremony para gunitain ang mga biktima sa hostage-taking incident na naganap doon 5 taon na ang nakararaan.
Dumalo sa nasabing seremonya sina Joseph Ejercito Estrada, dating Pangulo ng Pilipinas at kasalukuyang Alkalde ng Manila, Qiu Jian, Counselor ng Embahadang Tsino sa Pilipinas, ilang ethnic Chinese, at mga mamamayang lokal.
Sa kanyang talumpati, lubos na pinasasalamatan ni Estrada na tinanggap ng pamahalaan ng Espesyal na Rehiyong Administratibo ng Hong Kong (HKSAR) at mga mamamayan ng Hong Kong, partikular na mga kamag-anakan ng mga biktima, ang apology mula sa panig Pilipino. Ito aniya ay "nagbukas ng pinto" para sa pagpapanumbalik ng pagkakaibigan ng dalawang panig. Ipinagdiinan din niya na puspusang palalakasin ng pamahalaang panlunsod ng Manila ang seguridad para maiwasan ang muling pagganap ng nasabing trahedya.
Salin: Li Feng