MAY obligasyon ang pamahalaang pigilan ang bumabagal na kaunlaran at ang pagbagal ng sektor ng pagsasaka at manufacturing.
Ito ang panawagan ng IBON, isang research group sa isang pahayag na inilabas sa mga mamamahayag. Kahit ibinalita ng Philippine Statistics Authority na lumago ang Gross Domestic Product sa ikalawang tatlong buwan ng 2015, sinabi ng IBON na kung ihahambing ang datos ng unang anim na buwan sa unang bahagi ng 2014, hamak na mas malaki ang natamo noong nakalipas na taon sa pagtatamo ng 6.2% growth sa 5.4% ngayong taon.
Ang nakalipas na dalawang semestre ang siyang pinakamababa sa administrasyong Aquino. Bumagsak ang sektor ng pagsasaka ng may 0.3% sa unang semestre ng 2015 mula sa 1.9% noong 2014. Bumagal din ang manufacturing mula sa 9% ay bumaba sa 5.3% sa unang anim na buwan ng 2015.
Lubhang umaasa ang pamahalaan sa hindi matatag na pinagmumulan ng kaunlaran tulad na rin ng pagbagal ng exprots mula sa 14.6% at umabot sa 1.2% ngayong kwarter na ito kaya't bumaba ang GDP. Bumaba rin umano ang kita ng mga manggagwang Filipino sa ibang bansa.