Hinimok ni Pangkalahatang Kalihim Ban Ki-moon ng UN ang iba't ibang bansang Europeo na hawakan ang kasalukuyang refugee crisis batay sa responsableng atityud at makataong pamantayan.
Sinabi kahapon ni Stephane Dujarric, tagapagsalita ni Ban Ki-moon, na nakipag-usap sa telepono si Ban sa mga lider ng Austria, Czech, Alemanya, Gresya, Hungary, Poland, at Slovakia, hinggil sa nasabing isyu. Tinukoy ni Ban na ang karamihan sa mga refugee na pumasok sa Europa ay para lumikas mula sa digmaan at karahasan, at hindi dapat sila itangi. Hinahangaan niya ang mga lider ng naturang mga bansang Europeo sa kanilang pagsisikap sa paghawak ng refugee crisis, at hinimok din silang pigilin ang pagkamuhi, pagtatangi, at paggamit ng dahas sa mga refugee.
Ipinahayag din ni Ban na sa huling araw ng buwang ito sa New York, idaraos ng UN ang high-level meeting hinggil sa kasalukuyang refugee crisis.
Salin: Liu Kai
