Hinggil sa CRIHinggil sa Serbisyo Filipino
   

Kaunlaran, hindi madaling maganap sa pananaw ng isang taga-Mindanao

(GMT+08:00) 2015-09-09 15:40:34       CRI
Ibayong pagsusuri at pag-aaral sa mga nagaganap sa loob at labas ng Pilipinas ang kailangan upang mabatid kung ano ang kailangang gawin para sa bansa at bayan.

Ito ang sinabi ni G. Serafin Ledesma, Jr., publisher ng Mindanao Journal at isang columnista ng Sun Star Davao na kasama sa delegasyon ng mga mamamahayag na Pilipino na dumadalaw sa iba't ibang bahagi ng Tsina.

Si Serafin Ledesma, Jr.

Sa isang panayam, sinabi ni G. Ledesma na nakatutuwa ang kanyang karanasan sa paglalakbay sa Tsina sapagkat sa kanyang buong akala, bagama't napakaunlad ng Shanghai, paghihirap naman ang makikita sa kapaligiran nito. Laking gulat umano niya na mabatid na maunlad rin ang mga pook sa labas ng mga naunang growth centers tulad ng Shanghai.

Trabaho para sa Mamamayan

Ani G. Ledesma, maunlad rin ang Suzhou, siyudad na 100 kilometro ang layo sa kanluran ng Shanghai, na nagtagumpay sa kanilang itinayong Suzhou Industrial Park na dinalaw ng mga mamamahayag noong ika-7 ng Setyembre. Maunlad din ang mga mamamayan sapagkat may pagkakataong magkatrabaho sa ilalim ng isang pamahalaang seryoso sa paglaban sa katiwalian.

Prioryidad ang Agrikultura

Magandang pagkakataon din ang kanyang naranasan sa pagdalaw sa Xiang Cheng Modern Agriculture Complex may 45 minuto mula sa kalagitnaan ng Suzhou.

Nagulat din si G. Ledesma sa pagiging seryoso ng Tsina at ng mga pinuno nitong higit na mapaunlad ang kanilang lipunan sa pagtiyak sa maayos na supply ng isdang tabang at ang tanyag na Hairy crab.

Palaisdaan para sa mga hairy crab Xiang Cheng Modern Agriculture Complex

Pasilidad para paramihin ang mga isdang tabang ng Xiang Cheng Modern Agriculture Complex

Maayos na Imprastruktura, Susi ng Kaunlaran

Binanggit din ni G. Ledesma na mahalaga rin ang pagkakaroon ng maayos na mga sasakyan lalo ang maganda, malinis at napakabilis na tren mula sa Suzhou hanggang Dezhou, siyudad sa lalawigang Shandong, na narating ang higit sa 1,000 kilometro sa loob lamang ng apat na oras.

Sunod sa schedule ang tren, dagdag pa ni G. Ledesma. Napabuntong hininga na lamang si G. Ledesma at ang iba pang mga kasapi ng delegasyon sapagkat matagal nang walang serbisyo ng tren sa Pilipinas.

Isang mahalagang bagay din ang mahigpit na pagpapatupad ng mga batas laban sa katiwalian sapagkat sa oras na mabatid ng madlang walang sasantuhin ang mga pinuno ng bansa, mababawasan na ang bilang ng mga nasa likod ng mga katiwalian.

Ulat: Melo/Ernest

Editor:Mac/Jade

Photographer: Ernest/Melo

May Kinalamang Babasahin
TsinaPilipinas
v Mga mamamahayag na Pilipino, dumalaw sa Suzhou 2015-09-08 17:41:13
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>