Nang sagutin kahapon ang tanong ng mamamahayag hinggil sa muling pagbubukas ng Hilagang Korea ng Yongbyon nuclear reactor, ipinahayag ni Tagapagsalita Hong Lei ng Ministring Panlabas ng Tsina na sa ilalim ng kasalukuyang kalagayan, umaasang gagawa ang mga kinauukulang panig ng aksyong makakatulong sa pangangalaga sa kapayapaan at katatagan ng Korean Peninsula at rehiyong ito.
Ani Hong, iginigiit ng panig Tsino ang walang nuklear na Korean Peninsula, ang pangangalaga sa kapayapaan at katatagan ng Korean Peninsula, at ang paglutas sa mga kinauukulang isyu sa pamamagitan ng diyalogo at pagsasanggunian. Palagian at malinaw ang paninindigang ito, dagdag pa niya.
Salin: Vera