Mula noong ika-22 hanggang ika-28 ng kasalukuyang buwan, isinagawa ni Pangulong Xi Jinping ng Tsina ang dalaw-pang-estado sa Amerika, at dumalo sa serye ng summit ng ika-70 anibersaryo ng pagkakatatag ng United Nations (UN). Sa okasyon ng pagtatapos ng biyaheng ito, isinalaysay ni Ministrong Panlabas Wang Yi ng Tsina ang mga progreso at bunga ng nasabing pagdalaw.
Sinabi ni Wang na ang nasabing biyahe ni Xi ay isang historikal na pagdalaw sa mahalagang panahon. Aniya, ang kasalukuyang taon ay ika-70 anibersaryo ng Ikalawang Digmaang Pandaigdig (WWII) at pagkakagtatag ng UN, at ang kapayapaan at kaunlaran ay kasalukuyang pangunahing tunguhin ng siglong ito. Sa mahalagang okasyong ito, bumiyahe aniya ang Pangulong Tsino sa Amerika para mapasulong ang pagtatatag ng bagong relasyon ng malalaking bansang Tsina at Amerika. Bukod dito, bumigkas ng talumpati si Xi sa UN, at iminungkahi niyang itatag ang bagong relasyong pandaigdig. Ang mga ito ay nakakapagpasulong sa relasyong Sino-Amerikano at relasyong pandaigdig, at pinasimulan ang diplomasyang may katangiang Tsino.
Ani Wang, nitong 7 araw na nakalipas, mula Seattle sa Washington, hanggang New York, isinagawa ni Xi ang maraming bilateral at multilateral na aktibidad. Aniya, malawakang nakipag-ugnayan ang Pangulong Tsino sa mga personahe ng iba't-ibang sirkulo ng Amerika, at bumigkas ng mga talumpati sa maraming okasyon; bagay na nakakapagpalalim sa pag-uunawaan, nakakapagpalakas ng pagtitiwalaan, at nakakapagpalawak ng kooperasyon ng dalawang panig. Binigyan din aniya ng lubos na papuri ng opinyong publiko mula sa loob at labas ng Tsina ang natamong bunga ng nasabing biyahe. Ipinalalagay nilang ang biyahe ni Xi ay tiyak na makakapagbigay ng malaki at pangmalayuang impluwensiya sa relasyong Sino-Amerikano, at prosesong pangkapayapaan at pangkaunlaran ng buong daigdig.
Sa panahon ng pagdalaw, aktibo ring isinagawa ng asawa ni Xi na si Peng Liyuan, ang pakikipagpalitang pangkultura sa panig Amerikano. Sa panahon ng summit ng UN, dumalo siya sa mga multilateral na aktibidad na may kinalaman sa usapin ng edukasyon, kababaihan at kabataan, at may kapansanan. Ani Wang, ang mga ito ay nakakapagpasulong ng komprehensibong pagkaunawa ng komunidad ng daigdig sa Tsina.
Salin: Li Feng
