Sa Hanoi, Biyetnam — Idinaos kamakalawa ng Embahadang Tsino sa Biyetnam ang resepsyon bilang pagdiriwang sa ika-66 na anibersaryo ng pagkakatatag ng Republika ng Bayan ng Tsina. Dumalo sa resepsyon ang mahigit 300 tauhan na kinabibilangan nina Hong Xiaoyong, Embahador ng Tsina sa Biyetnam, ilang opisyal ng embahada, at Bui Quang Vinh, Ministro ng Pagpaplano at Pamumuhunan ng Biyetnam, at mga kinatawan mula sa partido at hukbo ng Biyetnam, at mga mapagkaibigang tauhan ng Tsina at Biyetnam.
Sa kanyang mensahe, ipinahayag ni Hong na ang kasalukuyang taon ay ika-65 anibersaryo ng pagkakatatag ng relasyong diplomatiko ng Tsina at Biyetnam. Nakahanda aniya ang Tsina na patuloy na magsikap kasama ng Biyetnam para walang humpay na mapasulong ang relasyon ng dalawang bansa at mabigyan ng mas maraming kapakanan ang kanilang mga mamamayan.
Salin: Li Feng