|
||||||||
|
||
717 katao ang namatay at 1216 naman ang nasugatan dahil sa naganap na mga karahasan at teroristikong pagsalakay sa Iraq noong nagdaang Setyembre.
Ayon sa datos ng UN Assistance Mission for Iraq (UNAMI), sa mga namatay, 537 ang sibilyan at 180 ang tauhang panseguridad ng Iraq. Sa mga nasugatan naman, 925 ang sibilyan at 291 ang tauhang panseguridad.
Ayon pa sa UNAMI, dahil sa masamang situwasyon ng seguridad sa Lalawigang Al Anbar sa dakong kanluran ng Iraq at pagtigil ng maraming serbisyong pampubliko, posibleng mas marami ang bilang ng mga kasuwalti roon. Bukod dito, hindi kabilang sa nasabing bilang ang mga namatay dahil kulang sa tirahan, tubig, pagkain, o panggagamot.
Sapul noong unang dako ng 2013, madalas na nagaganap ang mga karahasan at teroristikong pagsalakay sa Iraq. Ayon sa UNAMI, noong 2014, 1282 sibilyan ang namatay at 23,126 na sibilyan ang nasugatan.
Salin: Andrea
© China Radio International.CRI. All Rights Reserved. 16A Shijingshan Road, Beijing, China. 100040 |