Isiniwalat kahapon sa Beijing ni Shen Danyang, Tagapagsalita ng Ministri ng Komersyo ng Tsina, na isinasagawa na ng Tsina at Laos ang mga preparatoryong gawain para sa pagtatatag ng daambakal sa pagitan ng dalawang bansa. Ito aniya ay ikokonekta sa isa pang daambakal sa Thailand na nakatakdang itatag ng Tsina at Thailand.
Sinabi ni Shen na idinaos kamakailan sa Bangkok ang ika-7 Pulong ng Magkasanib na Lupon para sa Daambakal ng Tsina at Thailand, at narating ng dalawang panig ang pagkakasundo hinggil sa mga konkretong detalyeng kinabibilangan ng teknolohiya, pondo, pagtutulungang pampamahalaan, at iba pa.
Ani Shen, bilang priyoridad sa konstruksyong pang-imprastruktura ng estratehiyang "Silk Road Economic Belt at Silk Road sa Karagatan sa ika-21 Siglo" na itinataguyod ng Tsina, mabubuo ng mga naturang proyekto ang isang maalwang tsanel para sa daloy ng pasahero at kargo ng Tsina, Laos, at Thailand. Palalalimin din aniya nito ang pagtutulungang pangkabuhayan, pangkalakalan, pang-enerhiya at industrial sa pagitan ng mga bansa sa baybayin-purok ng Mekong River, at makakatulong sa pagtatatag ng ligtas at walang sagabal na railnet sa pagitan ng Tsina at ASEAN.