Mula ika-12 hanggang ika-14 ng buwang ito, dumadalaw si Zhang Gaoli, Pangalawang Premiyer Tsino sa Singapore. At nang interbiyuhin ng mga mediang lokal, ipinahayag ni Chen Xiaodong, Embahador na Tsino sa Singapore na sa pagbisita, tatalakayin ng Tsina at Singapore ang pagpapasulong ng kanilang kooperasyon sa mas malalim at mas malawak na antas.
SIP at Tianjin Eco-City
Ang Tsina ay kasalukuyang pinakamalaking trade partner ng Singapore at ang Singapore naman, mula noong taong 2013 ay nananatiling pinakamalaking pinanggagalingan ng pamumuhunang dayuhan.
Sa pagpapalagayan ng Tsina at Singpore, nananatiling nagtatampok ang dalawang panig sa ideya ng inobasyon. Noong 1994, bilang kauna-unahang proyektong pangkooperasyong Sino-Singaporeano, itinatag ang Suzhou Industrial Park. At noong isang taon, umabot sa 200 bilyong yuan RMB o 30 bilyong dolyares ang kabuuang produksyon nito na lumaki nang 8.5% kumpara sa taong 2013.
Pagpasok sa ika-21 siglo, sa proseso ng pagkakatatag ng isa pang proyektong pangkooperasyong Sino-Singaporeano na Tianjin Eco-City, naging priyoridad ng dalawang bansa ang pagharap sa pagbabago ng klima, pagtitipid ng yaman at enerhiya, pangangalaga sa sistemang biolohikal. Bukod sa mga ito, nakipagkooperasyon naman ang Singpore sa mga probinsya at lunsod ng Tsina tulad ng Shandong, Sichuan, Liaoning at Guangdong.
Ikatlong kooperatibong proyektong Sino-Singaporeano
Samantala, kasunod ng pagbabago ng kabuhayang Tsino, sinimulang talakayin ng magkabilang panig ang pagtatatag ng ika-3 proyektong pangkooperasyon sa dakong kanluran ng Tsina.
Kaugnay nito, ipinahayag ni Stanley Loh Ka Leung, Embahador ng Singapore sa Tsina na ito ay para matugunan ang "Belt and Road Initiative" (Ang Belt&Road Initiative ay pinaikling termino ng Silk Road Economic Belt at 21st Century Maritime Silk Road). Sabi niyang ang gawing kanluran ng Tsina ay simula ng sinaunang silk road at ang Singapore ay isang pangunahing bahagi ng "Maritime Silk Road".
