Mga Partidong Pulitikal ng maraming bansa, nagpahayag ng pagkatig sa Belt and Road Initiative: Jose de Venecia

(GMT+08:00) 2015-10-15 15:15:51 CRI

Ginanap ngayong araw sa Beijing Hotel ang talakayan hinggil sa Political Leadership: New Consensus for Political Parties, aktibidad na bahagi ng Asian Political Parties' Special Conference on the Silk Road.

ICAPP, suportado ang muling pagtatatag ng Silk Road

Moderator sa nasabing talakayan si Jose de Venecia Jr., dating Speaker ng Mababang Kapulungan ng Pilipinas at founding Chairman ng International Conference of Asian Political Parties (ICAPP).

Sa panayam sa CRI Serbisyo Filipino, sinabi ni de Venecia na nagkakaisa ng palagay ang mga kinatawan ng mga partidong pulitikal sa muling pagbubukas ng Silk Road matapos ang 2000 taon.

Si Jose de Venecia, founding chairman ng ICAPP, habang kinakapanayam ng CRI reporter na si Mac Ramos

Ayon kay de Venecia, labinlimang taon matapos itatag ang ICAPP noong 2000, ang samahan sa kasalukuyan ay binubuo ng 350 naghahari, oposisyon at indipendiyenteng mga partido pulitikal sa buong mundo. At ikinagagalak niyang maging bahagi ang ICAPP sa makasaysayang Belt and Road Initiative na isinusulong ni Pangulong Xi Jinping ng Tsina. Ang Belt and Road ay pinaikling termino ng Silk Road Economic Belt at 21st Century Maritime Silk Road na iniharap ng Tsina para maisakatuparan ang magkakasamang pag-unlad ng iba't ibang bansa.

Belt and Road Initiative: mag-uugnay ng iba't ibang bahagi ng daigdig

Ani de Venecia, imumungkahi niya ang pagsama ng Pilipinas sa 21ST Maritime Silk Road na dumadaan sa South China Sea, sa kabila ng di-pagkakaunawaang pandagat ng Pilipinas at Tsina. Ipinagdiinan ni de Venecia na estratehikong ruta ang South China Sea tungo sa Australia, New Zealand at Oceania, at kung maisasakatuparan ang Maritime Silk Road, magiging bahagi ng bagong Silk Road ang Asya, Europa, Aprika at Australia.

Nagbigay ng kani-kanilang mga pananaw hinggil sa Belt and Road Initiative ang mga lider ng partido mula sa Tsina, Georgia, Indonesia, Sudan, Iran, Timor Leste, Nepal, Afghanistan, Kazakhstan, Kyrgyzstan, Malaysia, India, Hapon, Pakistan, Rusya, Sri Lanka, Singapore, Turkey, Turkmenistan, Vietnam at Mexico.

Ang mga input ng bawat partido ay lalagumin at magiging bahagi ng Beijing Initiative na inaasahang ilalabas sa pagtatapos ng kumperensiya ngayong Biyernes.

Ulat: Mac/Andrea

Larawan: Andrea

Editor: Rhio/Jade

May Kinalamang Babasahin

ICAPP

v Kumperensiya ng mga Partido Pulitikal ng Asya sa Silk Road, binuksan sa Beijing 2015-10-15 11:35:11
v Lider ng CPC, nakipag-usap sa mga bisita mula sa Laos at Indonesya 2015-10-15 11:23:52
v Mga partidong pulitikal ng Asya, magpupulong sa Beijing hinggil Belt and Road Initiative; Pilipinas, magpapadala ng kinatawan 2015-10-09 11:09:06
v Espesyal na pulong ng ICAPP hinggil sa sustenableng pag-unlad, ipininid 2013-06-01 15:51:26

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>