|
||||||||
|
||
Pagtatanghal na "China-Inspired Art In October" sa DFA (Photo credit: Zhang Yan, China Daily)
Si Jen Louise Viola (sa kaliwa), isa sa mga Pinoy na alagad na sining, kasama ni Janice Hung, kilalang national Wushu champ ng Pilipinas habang nasa sa harap ng painting ni Viola na nagtatampok kay Hung (Photo credit: Zhang Yan, China Daily)
Sa maikling palatuntunan ng ribbon-cutting, sinabi ni DFA Undersecretary Laura Q. del Rosario na malaking bagay ang pagtutulungan ng iba't ibang sektor upang magkatotoo ang matagal-na-pinagbalakang proyekto.
Sinabi ni Development Academy of the Philippines' President Antonio Kalaw, na ilang daang taon na ang lumipas sa pagkakaibigan ng mga Pilipino at Tsino sa larangan ng kultura at kalakal. Dagdag pa ni G. Kalaw, ang kanyang mga ninuno ay mga Tsino.
Samantala, sinabi ni Chinese Ambassador to the Philippines Zhao Jianhua na kalugud-lugod ang pagsasama-sama ng iba't ibang sektor sa exhibit at ito ay napapanahon dahil sa pagdiriwang ng ika-40 taong pagkakatatag ng relasyong diplomatiko ng dalawang bansa.
Ani Zhao, makikita sa mga larawan ang kagandahan at kapayapaan na siyang nais ng lahat. Sa pangyayaring ito, napapanahon lamang na balikan ang magagandang namagitan sa dalawang bansa sa daan-daang taong nakalipas.
Sa pamamagitan ng mga pagtatanghal na ito, ani Ambassador Zhao, nagkakaroon ng daan upang matagpuan ang pinagkakasunduan sa gitna ng nababalitang mga di pagkakaunawaan. Ang mga pagkilos na ganito ang nagiging sandigan ng dalawang bansa upang mas mapalapit ang mga mamamayan at mas mapahigpit ang pagkakaibigan ng dalawang panig. Magiging daan din ito ng ibayong pag-uunawaan, dagdag pa ni Ambassador Zhao.
Ang nasabing show ay magkakasamang inihahandog ng DFA, Philippine Institute for Development Studies, Federation of Filipino-Chinese Associations of the Philippines, at Asia-Pacific Economic Cooperation (APEC) Business Advisory Council Philippines. Ang lahat ng mga painting ay ipininta ng mga artistang Pilipino at ang mga nilalaman ay may kinalaman sa Tsina o may inspirasyon ng kulturang Tsino.
Kabilang sa mga featured artist ay sina Ja Cabato, Joseph Clavita, Rafael Concepcion, Joseph Gaboc, Ronnie Lim, Wong Shui Loong, Reynaldo Santiago, at Jen Louise Viola.
Ilan sa mga Cinese culture-inspired na obra maestra ng mga Pilipinong alagad ng sining (Photo credit: Zhang Yan, China Daily)
Ulat: Melo
Photo credit: Zhang Yan, China Daily
Special Thanks: Fu Zhigang, Guangming Daily
Edito: Jade/Rhio
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |