Sa Kuala Lumpur — Nag-usap ngayong araw sina Chang Wanquan, Kasangguni ng Konseho ng Estado at Ministro ng Tanggulang Bansa ng Tsina, at Hishmmudin Hussein, Ministro ng Tanggulang Bansa ng Malaysia. Malalimang nagpalitan sila ng kuru-kuro hinggil sa bilateral na relasyon at mga isyung panrehiyon at pandaigdig na kapwa nila pinahahalagahan.
Sinabi ni Chang na nitong mga taong nakalipas, palagiang nananatiling mabilis ang pag-unlad ng relasyong Sino-Malay, at mainam ang pag-unlad ng relasyon ng dalawang hukbo sa iba't-ibang larangan. Nakahanda aniya ang panig Tsino na palalimin ang pakikipagkooperasyon sa ASEAN sa seguridad ng suliraning pandepensa, at magkakasamang harapin ang iba't-ibang uri ng hamon para maigarantiya ang kapayapaan at katatagan ng rehiyong ito.
Sinabi naman ni Hishmmudin na kinakatigan ng kanyang bansa ang pagpapalalim ng kooperasyong ASEAN-Sino sa larangan ng suliraning pandepensa. Umaasa aniya siyang patuloy na kakatigan ng panig Tsino ang pag-unlad ng ASEAN.
Salin: Li Feng