Ipinahayag kahapon sa Yangon, Myanmar ni Sun Guoxiang, Puno ng grupong tagamasid ng Tsina sa pambansang halalan ng Myanmar, na sa kabila ng di-matatag na kalagayang pampulitika ng Myanmar, hindi mababago ang mapagkaibigang pagtutulungan sa pagitan ng Tsina at Myanmar.
Sinabi ni Sun na ipagpapatuloy ng Tsina ang mapagkaibigang patakaran sa Myanmar, at pagbibigay-tulong sa bansa para mapasulong ang win-win situation ng dalawang panig. Ito aniya'y angkop sa komong interes nito.
Dagdag pa niya, matagumpay ang kasalukuyang pambansang halalan ng Myanmar.