|
||||||||
|
||
Nakipagtagpo kahapon sa Jinhong ng Probinsyang Yunnan ng Tsina si Wang Yi, Ministrong Panlabas ng Tsina kay Hor Namhong, dumadalaw na Pangalawang Punong Ministro at Ministrong Panlabas ng Kambodya.
Sa kanilang pagtatagpo, sinabi ni Wang na sa kasalukuyan, ang relasyong Sino-Kambodyano ay nasa pinakamagandang panahon sa kasaysayan. Samantala, patuloy na kinakatigan ng panig Tsino ang pagtatatag ng bansa at pagpapaunlad ng Kambodya at pinapalakas ang kooperasyon ng magkabilang panig sa aspektong gaya ng agrikultura, konstruksyon ng imprastruktura, komunikasyon, transportasyon at pamumuhunan para ibayo pang palalalimin ang pagkakaibigan ng dalawang panig.
Nagpahayag si Hor Nam Hong ng pasasalamat sa pagkatig at tulong na ibinigay ng panig Tsino para mapasulong ang kaunlarang ekonomiko ng Kambodya. Dagdag pa niya, ang kooperasyon ng mekanismong Lancang River at Mekong River ay nakapagbigay ng bagong nilalaman sa kooperasyong Sino-ASEAN at ito naman ay naging bagong palataporma ng pagpapalakas ng relasyong bilateral ng Tsina at Kambodya.
Si Hor Nam Hong ay kalahok sa unang pulong ng mga Ministrong Panlabas ng Lancang-Mekong River Cooperation na binuksan ngayong araw.
© China Radio International.CRI. All Rights Reserved. 16A Shijingshan Road, Beijing, China. 100040 |