HINATULAN ni Judge Luisito Cortez ng Quezon City Regional Trial Court Branch na mabilanggo si Jason Ivler, ang anak ng bunsong kapatid ni Freddie Aguilar. Napatunayang nagkasala si Ivler ng pamamaril at pagpatay kay Renato Victor Ebarle, Jr. anak ng isang opisyal sa Tanggapan ng Pangulo, sa Malacanang noong 2009 sa Quezon City. Nauwi sa pamamaril ang isang hindi pagkakaunawaan sa trapiko.
Makukulong si Ivler ng hanggang 40 taon. Samantalang binabasa ang hatol ay nanatiling tahimik at nakatingin sa malayo ang akusado. Sa panayam matapos ang pagbasa ng hatol, sinabi niyang wala siyang kasalanan at aapela sa Court of Appeals.
Nagmula ang usapin sa pagpaslang kay Renato Victor Ebarle, Jr. noong ika-18 ng Nobyembre 2009. Pinagbabayad pa si Ivler ng P 9.373 milyon.