Idinaos ngayong araw sa Jakarta, Indonesya, ang aktibidad na "Put People First ASEAN Community: Caring and Sharing para sa mga may-kapansanan sa Tsina at ASEAN". Nag-abuloy naman ang mga kalahok na kompanya at delegasyong Tsino sa ASEAN ng mga materyal sa Indonesia Disabled Children Foundation.
Ipinahayag ni Lu Jing, opisyal ng delegasyong Tsino sa ASEAN, na ang susunod na taon ay ika-25 anibersaryo ng pagkakatatag ng relasyong pandiyalogo ng Tsina at ASEAN, at Taon ng Pagpapalitan ng Edukasyon ng Tsina at ASEAN. Aniya, ang caring at sharing ay tampok na nilalaman ng ASEAN Community, at pangako rin ng Tsina sa pagtatag ng Community of Common Destiny ng sangkatauhan. Nakahanda ang delegasyong Tsino sa ASEAN na patuloy na idaos ang naturang aktibidad para pasulungin ang pagbabahagi ng kooperasyon ng Tsina at ASEAN, aniya pa.
Salin: Sarah