Ipinahayag kahapon ni Ban Ki-moon, Pangkalahatang Kalihim ng United Nations (UN), ang matinding pagkondena sa insidente ng pag-atake sa UN Multidimensional Integrated Stabilization Mission in Mali (MINUSMA) na naganap nang araw ring iyon.
Binigyang-diin ni Ban na ang ganitong pag-atake ay hindi hahadlang sa pagkatig ng UN sa pagsisikap ng mga mamamayan ng Mali para sa pangmatalagang katatagan at kapayapaan.
Bukod dito, matinding kinondena rin ng UN Security Council (UNSC) ang naturang insidente. Hinimok nito ang pamahalaan ng Mali na suriin ang insidenteng ito at iharap sa batas ang mga may-kagagawan.
Noong umaga ng kahapon, inatake ang isang base ng MINUSMA sa Kidal na nagresulta sa pagkasawi ng 3 tauhang pamayapa at pagkasugat ng 20 tauhang pamayapa at sibiliyang lokal.