Hinggil sa CRIHinggil sa Serbisyo Filipino
   

Ministrong Panlabas Wang Yi ng Tsina at State Secretary Kerry ng Amerika, pinag-usapan ang iba't ibang isyu

(GMT+08:00) 2015-12-21 10:27:37       CRI

Nag-usap sa telepono nitong Linggo, Disyembre 20, 2015, sina Chinese Foreign Minister Wang Yi at American State Secretary John Kerry hinggil sa iba't ibang isyu na kapuwa nila pinahahalagahan.

Isyu ng Taiwan at Nansha Islands

Sinabi ni Wang na bilang tugon sa mga hamong panrehiyon at pandaigdig, kinakailangan ang komong pagsisikap ng komunidad ng daigdig. Ipinagdiinan niyang sa proseso ng pakikikpagtulungan sa Tsina, kailangang igalang ng Amerika ang mga nukleong interes nito. Inulit ni Wang ang pagtutol ng panig Tsino sa kapasiyahan ng pamahalaang Amerikano na magbenta ng mga sandata sa Taiwan. Inulit din niya ang pagtutol ng Tsina sa pagpasok ng eroplanong militar at bapor ng Amerika sa teritoryong pandagat at panghimpapawid sa Nansha Islands ng Tsina.

Ipinahayag naman ni Kerry ang kahandaan ng Amerika na seryosohang pakitunguhan ang mga concern ng Tsina. Inulit din niya ang pananangan sa patakarang "Isang Tsina" at tatlong magkasanib na komunike ng dalawang bansa. Nakahanda aniya ang Amerika na makipagpalitan ng kuru-kuro sa Tsina sa anumang isyung posibleng makaapekto sa pagtutulungang Sino-Amerikano para maipagtuloy ang tunguhin ng bilateral na kooperasyon.

Isyu ng Syria at Iran

Pinag-usapan din nina Wang at Kerry ang mga isyu ng Syria at isyu ng Iran. Kapuwa nila kinilala ang pagsisikap ng isa't isa sa pagpapasulong ng paglutas sa nasabing mga isyu. Nakahanda anila silang magkasamang pasulungin ang pagpapatupad sa bagong resolusyon ng United Nations Security Council hinggil sa paglutas sa isyu ng Syria sa paraang pulitikal. Ipinahayag din nila ang kahandaan na patuloy na pasulungin ang pagpapatupad sa komprehensibong kasunduan hinggil sa isyung nuklear ng Iran.

Tagapagsalin/Tagapag-edit: Jade

Tagapagpulido: Rhio 

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>