Bilang kinatawan ng pamahalaan ng Pilipinas, lumagda kahapon, Huwebes, ika-31 ng Disyembre, sa Beijing si Ambassador Erlinda F. Basilio sa Kasunduan ng Asian Infrastructure Investment Bank (AIIB). Ito ay palatandaang lumahok ang Pilipinas sa bangkong ito, bilang bansang tagapagtatatag.
Pagkatapos nito, pawang lumagda sa naturang kasunduan ang lahat ng 57 bansang tagapagtatatag ng AIIB.
Kaugnay ng paglahok ng Pilipinas sa AIIB, ipinahayag kahapon ni Herminio Coloma, Kalihim ng Presidential Communications Operations Office, na ito ay desisyong ginawa ng pamahalaan, batay sa pangangailangan para sa pagpapaunlad ng kabuhayan ng bansa.
Sinabi naman ni Charles Jose, Tagapagsalita ng Kagawaran ng Ugnayang Panlabas, na ito ay walang kinalaman sa isyu ng South China Sea.
Nauna rito, ipinahayag naman ni Cesar Purisima, Kalihim ng Pananalapi, na makikinabang ang Pilipinas sa paglahok sa AIIB, bilang bansang tagapagtatatag. Sa pamamagitan nito aniya, palalawakin ang pamilihan ng iba't ibang sektor na may kinalaman sa imprastruktura.
Salin: Liu Kai