Hinggil sa CRIHinggil sa Serbisyo Filipino
   

Paghahanda para sa 2022 Beijing Paralympic Winter Games, sinimulan

(GMT+08:00) 2016-01-26 16:43:31       CRI

Nagpulong nitong Lunes, Enero 25, 2016, ang Organizing Committee para sa 2022 Beijing Paralympic Winter Games. Ito ay hudyat ng pagsisimula ng paghahanda para sa nasabing palaro.

Kabilang sa mga kalahok ay walong miyembro ng International Paralympic Committee (IPC) na pinamumunuan ni Xavier Gonzalez, IPC Chief Executive Officer.

Sinabi ni Gonzalez na matagumpay na idinaos ng Beijing ang 2008 Paralympic Games at sapul noon, nagpapasulong ito ng mga usaping may kinalaman sa may kapansanan.

Ipinagdiinan din ni Gonzalez na dahil isang buwan pa lang nang mabuo ang Organizing Committee para sa 2022 Beijing Paralympic Winter Games, sa kasalukuyang yugto, kailangang matuto ang mga miyembro ng nasabing komite hinggil sa Winter Paralympics. Kasabay nito, maaari na ito aniyang magsimula ng panlahat na plano hinggil sa 2022 Paralympic Winter Games.

Sinabi naman ni Zhang Jiandong, Pangalawang Alkalde ng Beijing at Pangalawang Tagapangulong Tagapagpaganap ng nasabing Organizing Committee na sisimulan nang ayusin ang mga stadium at pasilidad para mapaginhawa ang mga manlalarong may kapansanan. Kasabay nito, magpapalaganap din sila ng mga aktibidad na pampalakasan para sa mga may kapansanan.

Bilang Olympic at Paralympic Organizer sa pangalawang pagkakataon, ang mga stadiums na ginamit para sa 2008 Olympics at Paralympics na gaya ng "Bird's Nest" national stadium at "Water Cube" aquatics center ay aayusin at gagamitin sa 2022. Walong venues pa ang itatayo o aayusin sa Zhangjiakou, siyudad malapit sa Beijing na pagdarausan ng karamihan sa mga snow event sa 2022.

Tagapagsalin: Jade

Tagapagpulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>