Sa symposium na idinaos kamakailan sa Guangxi, rehiyong awtonomo sa dakong timog ng Tsina, iminungkahi ng mga kalahok na dalubhasang Tsino ang pagpapahigpit ng pagtutulungan ng Tsina at mga bansang dayuhan batay sa Blue Carbon Initiative, konsepto na iniharap ng United Nations noong 2009.
Ang Blue Carbon ay tumutukoy sa karbon na nasisipsip ng coastal ecosystem ng daigdig na gaya ng mangroves at coastal wetland.
Ayon sa pag-aaral, mas malaki ng tatlo hanggang limang beses ang karbon per equivalent area na maaaring iimbak ng mga mangrove, coastal wetland at seagrass bed kumpara sa kagubatang tropikal sa lupa. Ang coastal ecosystem na nakakasipsip ng malaking bolyum ng greenhouse gas na gaya ng carbon dioxide ay nakakatulong sa pagpapahupa ng epekto ng global warming.
Tagapagsalin: Jade
Tagapagpulido: Mac