|
||||||||
|
||
Ang naturang dalawang panda ay galing sa China Conservation and Research Center for the Giant Panda (CCRCGP) sa Chengdu, Sichuan Province sa dakong Kanluran ng Tsina, at ito ay bahagi ng isang magkasanib na programa ng pananaliksik ng Tsina at Timog Korea.
Kumakain ang giant panda na si Yuan Xin ng kawayan sa Dujiangyan Base ng China Conservation and Research Center for the Giant Panda (CCRCGP) sa lalawigang Sichuan ng Tsina.
Si Yuan Xin ay tatlong taong gulang na lalaki at si Hua Ni ay dalawang taong gulang na babae.
Upang maayos na asikasuhin ang pamumuhay ng mga panda sa Timog Korea, ipinadala rin ng CCRCGP ang isang panda keeper and isang vet.
Ang Panda World, bagong bahay ng naturang dalawang panda ay may lawak na 3,300 metro-kuwatrado na nasa Everland, isang popular na theme park na may halos 40 kilometrong layo sa Seoul, kabisera ng Timog Korea.
Sinabi ni Kwon Koon-whan, Puno ng Everland na upang ipagkaloob ang parehong kapaligiran ng Sichuan para sa mga panda, inilagay nila ang thermostatic at humidity equipment sa bahay at itinanim ang mga kawayan dito. Umaasa aniya siyang magkakaanak ang naturang pares ng panda sa Timog Korea.
Noong 1994, ipinahiram ng Tsina ang isang pares ng panda sa Timog Korea at bumalik ang mga panda sa Tsina pagkaraan ng 4 na taon.
Ang programa ng pananaliksik at pagpapalitan ng mga panda ng Tsina at ibang mga bansa ay pinangungunahan ng CCRCGP. Sapul noong 1990s, ipinadala ng CCRCGP ang 32 pares ng panda sa 10 bansa at rehiyon at isinilang ang 22 batang panda sa ibayong dagat.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |