Hinggil sa CRIHinggil sa Serbisyo Filipino
   

Premyer Tsino, dadalo sa unang Summit ng LMC

(GMT+08:00) 2016-03-18 11:08:55       CRI

Sa Sanya, probinsyang Hainan ng Tsina — Idaraos Marso 23, 2016, ang unang Summit ng Lancang-Mekong Cooperation (LMC). Sa paanyaya ni Premyer Li Keqiang ng Tsina, magkakasamang dadalo rito ang mga lider ng limang bansang kinabibilangan ng Cambodia, Laos, Myanmar, Thailand, at Biyetnam. Sa isang preskong idinaos kahapon, Marso 17, 2016, ng Ministring Panlabas ng Tsina, isinalaysay ni Liu Zhenmin, Pangalawang Ministrong Panlabas ng Tsina, na pormal na pasisimulan sa naturang pulong ang mekanismong pangkooperasyon ng Lancang-Mekong. Umaasa aniya ang panig Tsino na magiging bagong plataporma ng Tsina at limang bansa ang LMC.

Sapul nang iharap ng panig Tsino ang mungkahi tungkol sa mekanismo ng LMC noong taong 2014, aktibo itong tinugunan ng mga bansa sa Mekong River. Aniya, hanggang sa kasalukuyan, nagkaroon na ang Tsina at limang bansa ng 3 Pulong ng Working Group, 3 Pulong ng Matataas na Opisyal, at 1 pulong ng mga Ministrong Panlabas.

Isinalaysay niya na puwersang makakapagpasulong ang LMC sa konstruksyon ng komunidad ng ASEAN, at sa progreso ng integrasyong panrehiyon. Ito aniya ay mainam na supplement ng kooperasyong Sino-ASEAN.

Dagdag pa niya, makikinabang ang mga bansa sa Mekong River sa karanasan ng Tsina sa mga aspektong gaya ng konstruksyon ng imprastruktura, pagbabawas ng karalitaan, at bentahe sa teknolohiya at pondo. Ang naturang mga bansa naman ay magsisilbing mahalagang partner ng Tsina sa pagpapasulong ng konstruksyon ng "Belt and Road" at pandaigdigang kakayahan ng produksyon.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>