|
||||||||
|
||
Ipininid nitong Lunes, Marso 21 sa Doha, kabisera ng Qatar ang 2 araw na 3rd World Media Summit (WMS) 2016. Narating ng mga kalahok ang mga komong palagay hinggil sa pagharap sa pag-ahon ng "new media" at pagpapalaganap ng inobasyon sa media. Pagkaraan ng summit, ipinalabas ang "World Media Summit Doha Statement."
Ayon sa dokumento, patuloy na isasabalikat ng WMS ang dating tungkulin sa paghubog ng mga mamamahayag tungkol sa iba't ibang aspekto ng media production, sariling kaligtasan sa mapanganib na kapaligiran, at pagtanto ng karapatan at responsibilidad bilang isang mamamahayag.
Winelkam din ng WMS ang mga bagong miyembro sa kahit anumang rehiyon at sa kahit anumang uri ng media. Inenkorahe rin nito ang pagkakaisa ng mga media para gumanap ng mas mahalagang papel sa pagpapasulong ng pagkakaunawaan ng sangkatauhan.
Ang unang WMS, ay ini-propose at ini-organisa ng Xinhua News Agency sa Beijing noong 2009. Ang ikalawang WMS naman ay idinaos sa Moscow noong 2012.
Ang summit na ito ay itinaguyod ng Qatar-based Al Jazeera Media Network at may temang "The Future of News and News Organizations." Nilakuhan ito ng mahigit 350 kinatawan mula sa media outlets ng 100 bansa. Nagtalakayan sila hinggil sa impluwensiya ng teknolohiya sa news reporting, mekanismo para sa pangangalaga sa mga mamamahayag, audience fatigue vs. editor fatigue, at muling pagtatatag ng business models ng media.
Arafat Shoukri, Manager ng Executive Committee ng World Media Summit Doha sa seremonya ng pagpipinid ng WMS 2016
Salin: Andrea
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |