Hunan, lalawigan sa dakong gitna ng Tsina—Ipinaabot nitong Huwebes, March 31, 2016, ni Vu Tien Dung, Pangalawang Puno ng Pasuguan ng Biyentnam sa Tsina ang imbitasyon kay Professor Yuan Longping, academician ng Chinese Academy of Engineering para tulungan ang Biyetnam na lutasin ang problema sa pagtatanim ng palay sa lupang may taas na salinity.
Si Prof. Yuan Longping sa palayan (file photo)
Si Prof. Yuan, na tinaguriang father of hybrid rice ng Tsina ay nakabase sa China National Hybrid Rice Research and Development Center sa Hunan.
Sinabi ni Vu Tien Dung na mula katapusan ng 2015 hanggang sa kasalukuyan, maraming lugar sa Biyetnam ang dumaranas ng tagtuyot at kasabay nito, pumasok din ang tubig-dagat sa palayan ng ilang lalawigan ng bansa. Aniya pa, nakakaapekto ito sa produksyon ng bigas ng bansa. Umaasa aniya siyang makakabisita si Professor Yuan at ibang dalubhasang Tsino para tulungan ang Biyetnam sa pagdedebelop ng uri ng hybrid rice na maaaring itanim sa lupang may taas na salinity.
Si Prof. Yuan Long Ping ay kinikilala bilang isang mahalagang kayamanang-bayan sa Tsina at sa buong mundo dahil sa pagdiskubre niya kung paano magpalago ng hybrid rice. Dahil sa kanyang pananaliksik tumaas ang antas ng ani ng bigas sa buong Tsina.
Ang Pilipinas ang unang bansang dayunan kung saan ipinamahagi ni Professor Yuan ang kaalaman tungkol sa pagpapadami ng hybrid rice.
Sa kasalukuyan, ilampung bansa sa daigdig ngayon ang nag-aaral at nagtatanim ng hybrid rice at nakakatulong ito sa paglutas ng isyu ng kagutuman.
Tagapagsalin: Jade
Tagapagpulido: Rhio
