Hinggil sa CRIHinggil sa Serbisyo Filipino
   

Malaysia, kinukumpirma ang pinaghihinalaang labi ng MH370 na natuklasan sa Mauritius

(GMT+08:00) 2016-04-03 16:57:41       CRI

Linggo, ika-3 ng Abril 2016, nagpalabas ng pahayag si Darren Chester, Ministro ng Imprastruktura at Transportasyon ng Australia, na nagsasabing kinukumpirma na ng Malaysia ang kalagayan ng bagong natuklasang pinaghihinalaang piraso ng nawawalang Flight MH 370 ng Malaysia Airlines.

Sinabi ni Chester na nakikipagkooperasyon sa Mauritius ang panig Malaysian para makuha ang nasabing piraso, at isaayos ang imbestigasyon sa pirasong ito. Sa kasalukuyan, hindi pa sigurado kung ito ay galing sa MH370.

Sapul nang mawala ang Flight MH370, palagiang nangunguna ang Australia sa paghahanap ng nasabing eroplano sa South Indian Ocean. Ayon kay Chester, tinatayang matatapos ang paghahanap hanggang sa kalagitnaan ng taong ito.

Ayon pa sa ulat ng media ng Mauritius noong Sabado, ika-2 ng Abril, sinabi ng isang mag-asawa noong ika-31 ng Marso na natuklasan nila ang pinaghihinalaang piraso habang naglalakad sa dalampasigan ng Rodrigues Island. Pero hanggang sa kasalukuyan, hindi pa inilalabas ng pamahalaan ng Mauritius ang pahayag tungkol dito.

Noong ika-8 ng Marso, 2014, nawala ang Boeing 777-200 aircraft habang lumilipad mula Kuala Lumpur, Malaysia papuntang Beijing, Tsina. Ito ay may sakay na 239 na pasahero at 154 sa mga ito ay Tsino. Noong ika-29 ng Enero ng 2015, ipinatalastas ng Kawanihan ng Abiyasyong Sibil ng Malaysia na bumagsak ang nasabing eroplano, at nasawi ang lahat ng pasahero.

Noong nagdaang Hulyo, natuklasan ang piraso ng labi ng MH370 sa Reunion Island, at pagkaraan ng isang buwang pagsusuri, ito ay kumpirmadong nagmula sa nasabing eroplano. Ang mga piraso ng labi na natuklasan sa Mozambique at Reunion Island noong unang dako ng kasalukuyang buwan ay ipinadala na sa Australia para sa pagsusuri.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>