|
||||||||
|
||
Sa kanilang pag-uusap kahapon, Biyernes, ika-8 ng Abril 2016, sa Beijing, sinang-ayunan nina Pangulong Xi Jinping ng Tsina at Pangulong Johann Schneider-Ammann ng Switzerland, na itatag ang malikhaing estratehikong partnership ng dalawang bansa.
Ayon sa dalawang lider, ang pagkakapantay-pantay, paggagalangan, at pagpapalitan ay pundasyon ng malikhaing estratehikong partnership ng dalawang bansa. Para mapasulong ang partnership na ito, dapat anila palakasin ng Tsina at Switzerland ang diyalogo at pagsasanggunian, at magkasamang isagawa ang kooperasyon sa usapin ng inobasyon sa iba't ibang aspekto ng kani-kanilang bansa.
Ipinahayag din ng dalawang lider ang kahandaang isagawa ang kooperasyon sa loob ng balangkas ng "Belt and Road" initiative at Asian Infrastructure Investment Bank. Dagdag pa nila, palalakasin ng Tsina at Switzerland ang pagkokoordinahan at pagtutulungan sa mga patakaran sa suliraning pandaigdig, para pasulungin ang mapayapang paglutas sa mga sagupaan, at pabutihin ang pandaigdig na pangangasiwa sa kabuhayan at pinansyo.
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |