Jakarta, Indonesia—Idinaos dito nitong Lunes, Abril 11, 2016, ang Ika-17 Pulong ng ASEAN-China Joint Cooperation Committee (ACJCC).
Nilagom ng mga kinatawan mula sa Tsina at mga kasapi ng Association of Southeast Asian Nations (ASEAN) ang mga bunga sa pagpapatupad sa ASEAN-China Plan of Action 2011-2015. Tinalakay rin nila kung paano matutupad ang Plan of Action 2016-2020.
Magkasamang pinanguluhan ang pulong nina Xu Bu, Sugo ng Tsina sa ASEAN at Tan Hung Seng, Pirmihang Kinatawan ng Singapore sa ASEAN.
Muling ipinahayag ni G. Xu ang pagbati sa pagkakatatag ng ASEAN Community noong katapusan ng 2015. Ipinagdiinan niyang kinikitaan ang 2016 ng bagong simula ng pagpapasulong ng ASEAN-China Strategic Partnership dahil ngayong taon ay unang taon ng pagpapatupad ng ASEAN Vision 2025: Forging Ahead Together at ito rin ay ika-25 anibersaryo ng pagkakatatag ng ASEAN-China Dialogue Partnership. Inulit niya ang pagkatig ng panig Tsina sa ASEAN sa pagganap ng pangunahing papel sa mga isyung panrehiyon.
Sinabi naman ni Tan na bilang bansang tagapagkoordina sa pagitan ng Tsina at ASEAN, kinakatigan ng Singapore ang Silk Road Economic Belt and 21st Century Maritime Silk Road (Belt and Road Initiative ) na iniharap ng Tsina para sa komong kaunlaran, at aktibo rin itong nagpapapsulong ng kooperasyon ng mga kasapi ng Asian Infrastructure Investment Bank (AIIB).
Kapuwa ipinalalagay ng Tsina at mga kasapi ng ASEAN na malawak ang potensyal ng pagtutulungan. Halimbawa, nakatakdang magkabisa ang dokumento hinggil sa upgrading ng China-ASEAN Free Trade Area. Ang Tsina ay nagsisilbing pinakamalaking trade partner ng ASEAN. Samantala, ang ASEAN ay ika-apat na pinakamalaking pamilihan ng pagluluwas ng Tsina at ikalawang pinakamalaking pinanggagalingan ng pag-aangkat.
Group photo ng mga kalahok bago idinaos ang pulong
Mga kalahok sa pulong
Tagapagsalin/Tagapag-edit: Jade
Tagapagpulido: Mac
