Ipinahayag nitong Huwebes, Abril 14, 2016 ng Amerika na isinagawa nito, kasama ng Pilipinas ang pagpapatrolya sa South China Sea, at nakatakdang pansamantalang italaga ang 275 sundalo at 5 eroplanong panagupa sa Pilipinas, para mapahigpit nito ang papel sa isyu ng South China Sea.
Nang araw ring iyon, ipinahayag ng Departamentong Pang-impormasyon ng Ministring Pandepensa ng Tsina na ang isinagawang aksyon ng Amerika at Pilipinas ay hindi makakatulong sa pangangalaga ng katatagan ng South China Sea. Anito, umaasa ang Tsina na hindi nakatuon ang anumang kooperasyong militar sa ikatlong panig at hindi ito dapat makapinsala sa interes ng ikatlong panig. Dagdag pa ng nasabing departamento, buong lakas na pangangalagaan ng sandatahang lakas ng Tsina ang soberanya, kabuuan ng teritoryo, at interes sa karagatan ng bansa.