Ipinahayag kamakailan ng panig militar ng Singapore na nagkakabisa ang isinasagawang magkakasamang pagpapatrolya ng Singapore, Malaysia, Indonesya at Thailand sa Malacca Straits. Pero, sa harap ng masalimuot na kalagayang panseguridad, kailangang pag-aralan pa ng nasabing 4 na panig ang bagong paraan para ibayong mapahigpit ang pagtutulungan laban sa teroristikong pag-atake.
Noong Hulyo, 2004, sinimulan ng Singapore, Indonesya at Malaysia ang plano ng magkakasamang pagpapatrolya sa Malacca Straits. Nilagdaan din nila ang katugong kasunduan hinggil sa nakatakdang agenda ng pagpapatrolya, noong Abril, 2006. Sumapi naman ang Thailand sa nasabing plano, noong 2008.