TINIYAK ng Department of Foreign Affairs na aktibo silang nakikiisa sa pagtatangka ng pamahalaang malutas ang mga ginawang pagdukot at pakikipag-usap sa mga bansang may mga mamamayang naging biktima.
Ayon sa kanilang pahayag, sinabi ng DFA na nakikipag-ugnayan na sila sa mga pamahalaan ng Canada, Norway, Indonesia at Malaysia. Sa nakalipas na sampung araw, sa halos araw-araw na pagkakataon, nakikipag-ugnayan na si Secretary Jose Rene Almendras sa foreign counterparts, sa pagbibigay ng pinakahuling balita at pagpapahalaga sa pagtutulungan. Mayroon ding pakikipag-ugnayan ang DFA sa Security Cluster ng Gabinete ni Pangulong Bengino Simeon C. Aquino.