|
||||||||
|
||
KASALUKUYANG na sa pagamutan si Philippine Ambassador to China, si dating Foreign Relations Undersecretary Erlinda Basilio.
Sa isang pahayag ng Department of Foreign Affairs, nabatid na nasa pagamutan si Ambassador Basilio at inaalagaan ng isang magaling na koponan ng mga manggagamot.
Si Minister Elizabeth Te ang pansamantalang nangangasiwa sa Embahada ng Pilipinas sa Beijing.
Hinirang ni Pangulong Benigno Simeon C. Aquino III si Ambassador Basilio noong Disyembre 2012 bilang kahalili ni Ambassador Sonia Brady na nagkasakit din.
Isang career diplomat si Ambassador Basilio na naglingkod na sa pamahalaan, partikular sa larangan ng ugnayang panglabas sa nakalipas na 45 taon at nakapaglingkod na ng walong taon sa Tokyo bilang vice-consul at consul hanggang sa naging consul-general. Walong taon din siyang naglingkod sa Cuba. Noong 2007 hanggang 2010, naglingkod siya bilang kinatawan ng Pilipinas sa United Nations sa Geneva sa Switzerland.
Nakapagtapos siya ng Bachelor of Arts in Political Science at mayroong Master of Arts in Asian Studies mula sa University of the Philippines.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |