SA larangan ng Kalakal, isinumite na ng Manila Electric Company ang pitong Power Supply Agreements sa power suppliers sa Energy Regulatory Commission noong nakalipas na linggo.
Sa isang pahayag na inilabas kanina, sinabi ni Meralco Senior Vice President and Head ng Customer Retail Services at Corporate Communications Alfredo S. Panlilio na ang mga PSA ay naaayon sa pangmatagalang load projections ng kumpanya. Lalago ang pangangailangan sa kuryente mula sa 3.6% hanggang 3.7%.
Ipinaliwanag ni G. Panlilio na obligasyon ng Meralco na pagkunan ng kuryente sa murang halaga at matiyak na maaasahan ang supply nito para sa lahat ng customers sa pagtaas ng pangangailangan ng mga customer at sa pagtatapos ng mga kasunduan pagsapit ng taong 2019 hanggang 2020,kailangan ng Meralco na madagdag ng kapasidad sa pamamagitan ng kasunduan sa mga bagong supplier. Ayon sa nilalaman ng kasunduan, bibili ang Meralco ng 3.551 MW ng contract capacity at associated energy sa mga bagong power plant na magsisimula ng commercial operation sa 2020 maliban sa Panay Energy Development Corporation na magsisimulang kunan ng kuryenteng aabot sa ika-28 ng Setyembre ng taong ito sa oras na sumang-ayon ang Energy Regulatory Commission.